Кліча Радзіма

[Скрыть] Регистрационный номер 0418545 выдан для произведения: Малая Радзіма прысвячаю табе:

Над вершалінамі дрэў
Полымя яснай заранкі
Зніме дрымоту з вачэй,
Цешыць вясёлкай на ганку.

Хісткі малінавы рай
Знічкай снуе ў пазалоце,
Хата і казачны гай
У цёплай дыміць асалодзе.

Маці, - вось збан малака,
Пі, палягчэе ў дарозе…
Родны мой кут, талака,
Маці заўсёды ў трывозе.

Ціха хусцінкай махне…
З ёй застанецца дзяцінства,
Мара у даль паплыве,
Воблік твой любы прысніцца.

Час, нібы птушка ляціць,
Кліча Радзіма, матуля,
Браму б хутчэй адчыніць,
Еду, не клікай зязюля!